Maailma kõgõ vanõba’ savihuunõ’ omma’ löüt Lähis-Idast Süüriast. Kõgõ inäp ommõgi saviehitüisi kuivõba kliimaga kotussidõ pääl, koh savist prosta elomaja kõrvalõ tetti ka lossõ. Aasia ja Aafrika väiga vana saviehitüstraditsioon joudsõ Õuruupahe Hannibali sõaväkiga umbõs 220 aastakka iKr. Täämbä om tuud kõgõ inäbä Lõunõ-Hispaaniah, a ka põh´apuulsõbah Õuruupah olõ-õi saviehitüs tundmalda’ ja pall´o’ savihuunõ’ omma’ nii Säksamaal, koh savvi pandas puuga kokko, ku ka’ Poolah, Ukrainah, Bulgaariah ja Rumõõniah.