| Aprilli tõõsõl pääval käve Setomaal kostmah Ameeriga Ütitsriike suursaadk T.E. Michael C. Polt. Nii pall´o üte suurriigi saatkonna korgit esindäiji vaest olõki-i kõrraga Setomaal k´aunu’, pääle suursaadku oll meil küläh viil ka’ Major Christopher Mackin - kaitsealatse kuuhtüü kordinatsiooni osakonna juht, Pr. Michelle Schohn - kultuuri- ja pressiatashee, Hr. William O’Connor - asekultuuri- ja pressiatashee, Pr. Kelsey Granger - praktikant, Pr. Mairis Tuisk - pressiassistent, Pr. Laine Lembavere, protokolliassistent. Korgit külälisi võit’ Seto Seltsimajah vasta ülebsootska Raudoja Ahto, vallavanõp Järvelilli Rein, Hõrna Aare üteh uma Riekaga’, k´auti viil Obinitsa muuseumitarõh ja Lauluimmi kaldõh. Tulõ avvu anda’ suursaadkulõ ja ka’ tõisilõ saatkonnatüütäjilõ, näil oll väiga höste kodotüü tett Setomaa kottalõ, nä tundsõ’ huvvi poliitga, kultuuri, setokõisi elo ja tegemisi vasta. Õt kost´ma tulda-ai tühä käega, sis nimäki’ tõi’ kosti – Obinitsa Seto Seltsimajah tetti vallalõ mobiilne Ameeriga nulk. Sääl saava’ pikäaolitsõ lainu pääle ant puutrist kõik huvilitsõ’ uuri’ Ameerigamaad ja ka saadkonna tegemisi. Säntse nuka om kingtüsest saanu’ pääle Setomaa viil Narva, Viljändi, Kurõssaarõ ja Tarto liin. 24.04.2012 15:01:18 |
Vahtsõt
