S´ool aastagal om Seto Kunigriik 19. kõrda ja sinnä’ oodõtas kõiki puu- ja näpotüütegijit ummi ilosidõ asjuga’. Naisi näpotüü võistlusõ nimi om „Vüü’ ja paila’“. Võit tuvva’ umatett rabajaga koet vüü, hargivüü, pudelisuuvüü, päävüü vai mäntsegi tõõsõ seto vüü. Vöid saat tuvva’ Verskahe Kirävüü tarrõ 20. juulini.
Puutüü võistlusõ nimi om „Pernaasele tarvilinõ asi“ ja tuu puust asi tulõsi kunigriigipääväle üteh võtta’. Tähtsä om, õt tuu as´akõnõ olõs ummi kässiga tett, ilostõt ja kodotsõh eloh om timmä ka’ vaia.
Kõiki oodõtas õkka kunigriigipäävä võistluistõ võistlõmma.
Lähebält saat võistluisist lukõ’ http://kuningriik.setomaa.ee/index.php/xix-seto-kuningriik/112-tiidaeandmino-kunigameistrido-kandidaadolo.html
Küüsüdä saat Verska Kultuurikeskusõst: 5291619, 7964712 vai kirota’ kultuurikeskus@verska.ee
Saami’ kokko Verskah XIX Seto Kunigriigipääväl!
18.05.2012 17:39:06 |
Vahtsõt
