Seto Kuningriigi nuursootska kohustusõ’

Setomaa nuursootska piät:

1. Hoitma läbik´aumist seto nuuriga nii Setomaal ku liinuh. Tuust, minkõl üritustõl nuursootska om k´aunu’, tulõ ülembsootskalõ arvo anda’ neli kõrda aastagah.

2. K´auma üteh ülembsootskaga Setomaa esindamisil.

3. Avvustamma Setomaad, setost olõmist, seto kultuuri, leelot, seto kirotõt ni kirotamalda’ säädüisi.

4. Nuursootskana kõnõlõma kõgõ seto keeleh, olõma seto rõivih ni kandma üteh nuursootska kiiora.

5. Nõvvu pidämä seto nuuriga, Setomaa ülembsootskaga, Seto Kongressi Vanõmbidõ Kogoga ja tõisi seto orgnisatsioonõga, ku piäsi vaija olõma.

6. Olõma timä aamõtihõ nimetamisõ järgsõ Seto kuningriigi latsipäävä ni Seto kuningriigi kõrraldamisõ man nõvvu ni jovvuga’.

Seto kuninga Peko nimel

Raudoja Ahto

Setomaa ülembsootska

Seto Kuningriigi nuursootska valimisõ kõrd

1. Setomaa nuursootskast või kandidiiri’ kooni’ 27-aastaganõ Seto Kuningriigi alam.

2. Setomaa nuursootska kandidaadi või üles säädä’ vähäbält viis Seto kuningriigi alambat üts nätäl inne Seto Kuningriigi latsipäivä. Kandidaatõ nime’ ilmusõ’ Setomaa internetiportaalih ja Setomaa aoleheh.

3. Setomaa nuursootska kandidaat piät üteh ülessäädmisõga ütlõmma, midä tä lupa tettä’ uma aamõtiao joosul. Kandidaadi’ pandva’ ummilõ lubahuisilõ käe ala ja naa’ pandas lugõmisõs vällä Setomaa internetiportaali ja Setomaa aolehte.

4. Nuursootska valiminõ toimus Seto Kuningriigi latsipäivä õdagul.

5. Nuursootska valimisõst saisva’ kõik kandidaadi’ korgõmbä kotusõ pääle.

6. Õga kandidaadi man hõigahtas vällä timä lubadusõ’; õga kandidaat piät kotusõ pääl vastamma kroonikogo liikmõ küüsümisilõ.

7. Aigu hindälõ miildüvä kandidaadi handa saista om viistõist mintat.

8. Setomaa nuursootskast saa kandidaat, kiä saa hindä taadõ kokko kõgõ rohkõmp inemiisi.

9. Ku katõ kandidaadi hannah sais ütepall´o inemiisi, sõs tõmmatas seerepit.

Seto kuninga Peko nimel

Raudoja Ahto

Setomaa ülembsootska