Mia sa tiide, tuu-ga lövväde.

Roosipäiv Meremäel (0)

  Roosipäiv nummõr 7 Meremäel   


Jo säitsmendät vuuri om Meremäe valla Meieselts Meroos kõrraldanu keväjä Roosipäivä Meremäe koolimajah. Pakleri Sirje iistvidämisel om kutsutu käsitüülisi tüütarõsit tegemä ja käsitüüd müümä nii Setomaalt, Eestist ku ka Lätist, Vinnemaalt ja muialtki. Teema om õks olnu ruusõga seotu.


S´oovoori om Roosipäävä teema värme vägi ja tuu toimus 20. mail kell 12.00-16.00 Meremäe koolimajah.
Kavah om ettekannõh värme mõost inemisele, käsitüünäütüs, koh pandas vällä nii hindä ku esiimmi tüü’, ja hulga tüütarri, koh vahtsit kunstõ oppi’ saa. Kavah om siidi- ja tsitsimaal, lastukõsõ- ja lapimaal, näo ja käe maalminõ, linadsõlõ palajalõ, klaasi pääle vai papi pääle maalminõ, ja ruusõ tegemine õkamuudu kleite, põlli, kottõ, kaartõ ja karpõ pääle.


Kohvilavva katmisõs või eis’ ka midägi üteh võtta’. Sissepäsemine mass 1 euro. Tüütarri hind om kuis kellelgi ja kuis kaubalõ saat. Rohkõmp saa tiidä’ telefoninumbri päält 55677256 vai msmeroos@gmail.com.
Sündmüs om Meremäe valla 95. juubelinädälä avaüritüs ja pühendet Eesti ni Soomõ 100. sünnüpääväle!



Kommentaarid

Kommentaare pole

Kommentaari lisamine

CAPTCHA
Kontrollkood