Vinnekiilsidõ laulõ kontsert Võroh (0)

18. aprillikuu pääväl kävemi 5. ja 6. klassiga Võroh Kreutzwaldi koolih laulmah opitu vinne keele laulu. Sääl oll´ pall´o esinejit: Mõnistõ, Haani, Orava, Miktämäe, Võro Keskliina kuul, Kreutzwaldi kuul, Võro gümnaasium ja mi kuul. Mi esini „Potsataja lauluga”.

Lava pääle minnä’ oll´ peris hirmus, selle õt saal oll´ rahvast täüs. Ku mi är’ esini, siss oppaja kitse meid, õt mi lauli väiga höste. Saimi ka diplomi’ ja preemia. Laulu opsi’ meele selges oppaja’ Helgi Lehemets ja Peeter Pai.
Laulõ kullõlda’ oll´ ka hüä, kõgõ rohkõmb laulõti „Helesinist vagonit”, tuud tei’ pia poolõ’ esinejä’. Mitmõl koolil oll´ kats laulu. Mullõ miildü taa kontsert väega.

Haljasmõtsa Lisette

Meremäe Kooli 5. klassi koolilats