Suur setodõ üleilma kokkokorjuminõ – XXXII Seto Kuningriik om timahava Satserinna nulga küläh Saatseh 2.augustil 2025. Kuningriik kuulutõtas vällä keskpääväl ni jakkus ni kavva ku seto lipp mastist langõs. Kõik aoplaani', kõrra' ja muu tähtsä' asa lövvät sjoo lehe päält.

Seto Kuningriiki peetäs augusti edimätsel puulpühäl, õgal aastakal eri Setomaa küläh, midä kutstas tuu perrä kuningaküläst. Tuul pääväl kehtis seto säädüs ni seto raha ja kõik seto rõivih inemise' päsese Kuningriiki priilt. Muidogi om oodõt ka setodõ hüä' sõbra' ni kõik kultuurihuvilitsõ', a nuu piat ostma Kuningriiki päsemisõst viisa. Terve päävä pidävä' seto' kuningriigih võistluisi ni sortva' vällä Kuninga meistri'. Päävä lõpust valitas vahtsõnõ ülembsootska ni uma marsi tege seto sõavägi. Ülembsootska ametitunnusõst om kuningas Peko sõanui-ametisau kiior, midä andas käest kätte edesi vahtsõlõ ülembsootskalõ.

Seto Kuningriigi ütest algatajast mõtsasoomlastõ iihkujul om folklorist Hao Paali ni edimäne Kuningriik peeti maahha 20.augustil 1994.aastakal Obinitsa kooli moro pääl. Edespite nakas Kuningriik käümä müüdä Setomaa külli.