Hõrna Aare
Olõ peri Antkruva küläst Mokornulgast, Setomaalt. Esä Hõrna Mihkli oll′ Antkruvast, imä Rahusoovi Anne Tiirhanna küläst Üle-Pelska nulgast. Sündünü’ 1959. aastaga 8. augustil, ristet Obinitsa keŕkoh.
Koolih käve Obinitsah, keskkoolih Meremäel. Tiirhanna vanaesä, vanaimä juttõ ja Meremäe koolih opanu’ ni katõld kütnü’ Adamsi Jüri juhatusõ perrä naksi huvvi tundma vana ao ni Setomaa vasta. Pääle keskkuuli saiõ sisse aoluku oṕma Tarto ülikooli kaugoppõhe. Tüühü lätsi Obinitsa sovhoosi mõtsavahist.
Ülikuul jäie lõpõtamalda, a lõpõtõt saiõ Luua mõtsakuul 1985. aastagal.
Sillaotsa Liidi kutsmisõl saiõ naatu’ üte ja tõõsõ seto ettevõtmisõ kõrraldamisõ man toimõtama: leelopäiv 1986, kodoluu ja linapäiv Obinitsah. Sis Seto seltsi asutaminõ, Seto kongressi ja Seto kuningriigi alostaminõ.
Setomaa ülembsootśkast sääd′ uma rahvariaga 2000. aastaga minno Hao Paul Värskah ja 2007. valõ minno rahvas Meremäe mäe otsah.
(20 aastakka Seto Kuningriike, Seto Instituut, 2016)