Raudoja Ahto
Mu imäpuult suguvõsa om peri Petsere takast Kosśolka küläst ja juurõ’ veevä’ viil Riiskovahe, Makaruvva. Eiś olõ sündünü’ septembrikuu katsandal pääväl 1974. aastakal Tarto lähkoh Mäksal. Keskkoolih käve Luunjah ja ildampa parhillatsõh Maaülikoolih mõtsandust opmah, minka lõpõdi magistrikraadiga. Lõputüü kirodi seto huunist.
Setomaa tegemiisi man olõ olnu’ jo päält keskkuuli, a ku Valgu Heiki juht′misel naati vannu jutussit ja kotusõjuttõ korjamma, sõs nuidõ vanno Setomaa inemiisi tiidmisõ’ ja kiil pandsõ’ mu jaost kõik paika. Nii maailmast arvusaamisõ, ku tuu, õt Setomaa om mu jaost kõgõ õigõmb kotus.
Peko ja rahva tahtmist müüdä om minno katõl kõrral – 2010. aastakal Mikitamäel ja 2011. Obinitsah – valit ülembsootśkast. Ülembsootśka aig om andnu’ kogõmuisi riigiesäde ja aokiränikega asju ajamisõst ni ka uma rahva esindämisest.
Parhilla olõ Seto Instituudi vedosnik ja üteh uma firma OÜ Katusõkatja tüümiihiga kobõnda kõrda vannu huunit ni eh′tä ka vahtsit. Suurõmba’ tüü’ omma’ olnu’ Seto seltsimaja ja Eesti Vabaõhumuuseumi seto ni vanausulistõ