Riitsaarõ Evar

Olõ sündünü’ Setomaal Mokornulgah, Obinitsa küläh. Pääle Obinitsa kooli opsõ Vastsõliinah, sõs Tal′nah pedagoogikaülikoolih kunsti. Kodoküläh olõ tagasi jo uma 10 aastat. Üteh naase Kauksi Üllega piämi Obinitsa küläh kunstigaleriid ja kunstisaali.

Valmistanu’ olõ seto suursõlgi ja muid hõpõehtit. Miildüs raamatidõ illustriirminõ – olõ jooństanu’ pildi’ Heintalu Aleksandri (Vigala Sassi) eeposõlõ “Kuldmamma”, Kauksi Ülle luulõraamadulõ “Käänüpäiv” ja seto lugõmikulõ.

Sai tettü’ seto mustridõ ni kirjuga sainapaprit, midä saa kaia’ Saatse muuseumih, Irboska muuseumih, Seto seltsimajah, Setokunstõ galeriih Obinitsah.

Seto laulu laula Seto miihi summah ja SMS Tuhkwizza punkbändih. Näütlejana olõ mängnü’ põhiliselt Kauksi Ülle kirotõt tiätretükeh (“Taarka”, “Peko”, “Põhitüü”, “Trummiotsja” jt).

Ülembsootśka olõ olnu’ neläl aastal. Olõ arvamisõl, et perimüskultuurõ tulõ hoita’ ja edesi kanda’. Võimalusõl vana mooduga, vajadusõl vahtsõ ao abivahendeid kasutadõh.

(20 aastakka Seto kuningriike, Seto Instituut, 2016)