Nurmõotsa Sulo

Sündünü’ olõ Mikitamäe vallah Selisä küläh, koh olõ elänü’ ka kõik uma’ 65 aastakka. Koolitiid käve Igrise algkoolih, Mikitamäe koolih ja Väimela tehnikumih.

Seto laulu ja leelo mano vei minno Hirsiku Veera. Olõ laulnu’ “Leikoh”, paar aastakka “Kuldatsäugah” ja ülejäänü 25 “Helmiseh”, minkast 20 juhendajana. Tandsi ainukeseh seto segätandsurühmäh “Hõbehall”.

Sootśkast val′ti 1999. vasta 2000. Tuud aigu olõ-s sootśka amõt nii korgõhõ nõstõt, a sai õks käütü’ suurõmbjago Setomaal toimunu’ üritüisil ja ka välähpuul Setomaad. Kuningriigi päävä’ omma’ mullõ väiga tähtsä’, ma olõ nellitõist kõrda olnu’ sõasuurõmb ja juhatanu’ sõaväe paraati.

Tüükotusit om olnu’ väiga pall′o, a hindäle kõgõ süämelähedätsemb om setokeelitside raadiosaatidõ toimõtamine Kaguraadioh. Teno minkale om läbi sõidet suuremb jago śoopuulset ja ütsjago ka kontrolljoonetagust Setomaad.

Praegu piä pensionipõlvõ, a tüütä ka Mikitamäe valla hooldõkodoh. Ku jummal viil ka edespidi tervüst and, taha õks edesi laulta’.