Hao Paul
Sündünü’ olõ viinakuu tõõsõl pääväl 1946. a. Meremäe vallah Koolina nulga Ostruva küläh. Koolitiid alosti Meremäel, lõpu aigu oll′ sääl jo keskkuul. Õt kirotaminõ ludinal lää-s, mõtli Tartoh pääkoolih oppi’ viil eesti kiilt. Ku lõpõtamisõ aos ka kirätüü parembas lää-s, plaanõ edesi oppi’ aspirantuurih, kavaluisi siski jo rahvaluulõt.
Vinne sõaväe karvanõ käsi segäsi vaihõlõ ja võtt′ mu tanki uputamma.
Kraadi kaitsmisõga jäi tsipa ildas – tuud nõuti jo vinne keeleh. Jäti aśa saisma, a 1983. a tull′ õks vinnekiilne kandidaaditüü Leningraati üteh võtta’. Päält tuu sai ülikoolih õppõjõus.
Tartoh elleh sai õks sagõhõhõ Setomaa poolõ vahit (Lepä kirmasõ takasttsusk′ minõ, leelopäävä’, Seto kongress, kuningriik) ja liinahki seto asja aet (Hellero, Seto seldsi Tarto haro, Liinatśura’).
Kolmõ järjestikudsõ ülembsootśka-aasta lõpuh kuuli külh Peko porinat: “Mis riik tuu om, koh kuningas om igipuhkusõl, a timä asõtäütja eksiilih?” 2000. a sokudi ma amõdi Aare kaala.
(20 aastakka Seto kuningriike, Seto Instituut 2016)
Paul Hagu was born in 1946 in Ostrova village. He studied Estonian language in Tartu University, and then shifted his focus to folklore studies. He got his scientific degree from Leningrad (St. Petersburg) University in 1983 and became a teacher in Tartu University. He did not lose his ties to Setomaa, but actively took part in different events. He also started a few singing choirs in Tartu as well. He was elected as Chief Herald for 3 consecutive years.