Vabarna Jane
Olõ sündünü’ 1980 aastäkal, kasunu’ ja koolih käünü’ Verskah. Korgõh koolih Tarto liinah opsõ käsitüü oppajast. Imä om minno latsõna Laanõtsirguh laulma opanu’. Laula ja viä iist leelokoori Verska naase’. Leelosõnnol andsõ tihtsahe edesi ka’ Peko saadõt unõ’ ni hüä’ soovi’.
Uma elo olõ säädnü’ Verskahe. Tei 20 aastäkka Setomaal kultuuritüüd. Olõ kasunu seto kultuuri seeh, tuuperäst piä Setomaa kultuurisündmüisi tähtsäs. Seto Kuningriigipäiv, Leelopäiv, Setomaa kerkopühä’ ja kirmsõ’, küläpühä’ omma’ uma rahva kokkusaamisõ kotsõst.
Olõ kolmõ tütre imä. Viimäne sündü sis, ku olli edimäist vuuri ülembsootska (2015-2016). Tuu viläka aastäka sisse jäi soomõ-ugri kultuuripääliin Obinitsah, Seto Panga edimäne teküs aastäk, seto kultuuri oppusõ’ tõõsõlpuul kontrolljuunt ja hulga õgasagamatsi suusõmbit ja vähämbit sündmüisi. Ülembsootska aig andsõ märgo, õt tulõ inämbä umma kultuuri hoita’ ja üles märki’, õt olõsi’ midä’ latsilõ edesi opada’.
Tõõsõ valtsõmisaastäka (2021 - 2022) joosul haari kokkosaamisil rahvast laulu- vai tandsotsõõri, kõnõli rahvarõivist, seledi seto rahva, kuninga Peko ni Seto Kuningriigi luku. Alanu’ oll põliskiili dekaat, panti kokko seto keele arõnguplaan ja alost seto keeline latsiaiarühm Verska latsiaiah. Ukrainah alanu’ sõda lõpõt kontrolljoonõ taadõ käümisõ’, a andsõ inämb huugu setodõ üle Eesti ütehhaardmisõlõ. Oll Seto Leelopäävä ja Seto Kongressi aastäk.
Tõõnõ ülembsootka aig andsõ märgo, õt tulõ inämb hoita umma köüdüst Setomaaga ja kõnõlda’ umma kiilt, õt mi põlidsõ rahvana õks püsümä jääsi!
Jane Vabarna was born in Värska in 1980 and studied to become a handicraft teacher in Tartu. She was drawn to Seto leelo as a child, and now she has become a known singer herself. Jane worked as cultural organizer in Värska for 20 years. Growing up within the Seto culture, following the traditions and taking part in cultural events is a natural part of her life. She has been elected as the Chief Herald twice. During these years she has realized how important it is to keep the Seto language alive. Jane has also been the only Chief Herald to give birth to a child during her year of reign.