Järvelilli Rein

Olõ sündünü’ 16. aprillil 1966. aastakal. Koolitiid alosti Meremäe Keskkoolih ni peräst käve Nõo Keskkoolih, Eesti Põllumajandusõ Akadeemiah ja Tarto Ülikoolih. Papõrdõ perrä om mul korgõmp mõtsanduslik haridus.

Tüütänü’ olõ mitmõh umavalitsusõh juhi kotusõ pääl. Olnu’ Verska ni Meremäe vallavanõmp. Tüütänü’ Riigikogo liikmõna, rahandusministri ja Euroopa Parlamendi saadiku nõunikuna, juhtnu’ mitut eräettevõtõt.

2012. aastakast olõ tagasi Setomaal ni elä uma esäkotoh Uusvada küläh ja olõ Setomaa Vallavolikogu esimiis. Õgapäävätselt toimõta Seto Infoseltsi juhatajana, minka hoita om setokaubamaja.ee, SetoMeedia, Seto Kiri, Seto Pank ni Kullamäe Productions. Laula Seto Miihi Summah meestelaulu, kirota laulusõnnu ja mängi mõnda pilli Tuhkwizzah, Pääväpüürdjäh ni Uusvada Blues Allstarsih.

Süämeasast om seto keele ni kultuuri edendäminõ, minkalõ olõ pühendänü hüä suurõ osa uma tegemistõst ni elost. Ülembsootskana andsõ Peko mullõ kats tiidäandmist. Edimält kutsu’ seto rahvast ja õgaütte üles, õt õgaüts meist teesi’ midägi uma keele ni kultuuri hüäst, kas või kõõ vähämpät.Tõõsõst käskse Peko seto rahva kokko tuvva’ ni panda rahva uma keele ja kultuuri iist saisma ni otsustama. Elägü sis tuu rahvas Siberih, Saarõh vai Tallinnah.

Edenemist ni saldmist meele!