Hüdsi Silver

Olõ sündünü’ 21. oktoobrikuu pääväl 1962 Amblah. Koolitii sai käütü’ Tartumaal Nõoh. Uma’ edimätse’ rubla’ tüüpõllul teene ka Nõo kandih. Inämbüs aigo uma elost olõ tüütänü’ spordimetoodik / treenerina.

2004. aastal tulli Setomaalõ Tsätski nulga Kolossova külä Vahtraoro tallo, koh naksi uma perrega elämä uma esivanõmbidõ taloh. Setomaal esivanõmbidõ taloh omma’ müüdä lännü’ ka mu latsõpõlvõ koolivaheao’.

Setomaalõ elämä tulõmisõst pääle tegele põhilisõlt turismindusõga. Täämbätsel pääväl valmista mi käsitüüsiipe Vana Jüri seebikuah. Samah pia ka väikest seebipuuti.

Ülembsootśka valimistõl olli väläh 2008. aastal Värskah. Umas suurõs üllätüses võidi Peko õnnistusõ ni olli aasta aigu timä sõnumituuja seto rahvalõ. Tunnustaminõ, küläelo, kogukondõ kokkohoitminõ, sallivus, optimism ja Jumala mägi olli’ mu valitsõmisao märksõna’.