Vabarna Jane

Olõ sündünü jaanilaupäävä õdagul 1980 aastäkal. Kasunu ja koolih kä´unu’ Verskah. Korgõh koolih Tarto liinah opsõ käsitüü oppajast. Imä om minno latsõna Laanõtsirguh laulma opanu. Piä 10 aastäkka laula ja kamanda Verska naisiga. Viä iist Seto Pitsi Klubi. Vahtepääl jovva Kirävüü käsitüütarrõ ja Seto Käsitüü Kogo tegemiste mano.

Uma elo ja tüü olõ säädnü kodokanti. Olõ Verska Kultuurikeskuseh kunstilinõ juht. Pereh kasus kol’ tütärt. Viimäne sündü sis ku olli ülembsootska (2015-2016). Tuu viljaka aastäka sisse jäi soomõ-ugri kultuuripääliin Obinitsa, Seto Panga edimäne tekus aastäk, seto kultuuri oppusõ tõispuul kontrolljuunt ja hulga õgasagamatsi suusõmbit ja vähämbit sündmuisi.

Olõ kasunu seto kultuuri seeh, tuuperäst piä Setomaa kultuurisündmuisi olulisõst. Seto Kuningriigipäiv, Leelopäiv, Setomaa kerkopühä’ ja kirmsõ, küläpühä’ omm uma rahva kokkusaamisõ kotsõst. Sis kandas rohkõba seto rõivit, leelopargi´laulva, pillimehe mängvä tandsost ja kõnõldas umah seto keeleh.

Ülembsootska aig andsõ märgo, õt tulõ inämbä umma kultuuri hoita’ ja üles märki’, õt olõsi midä latsilõ edesi opada.