Miktämäel olli' talvidsõ’ külli mängu’. (0)

13. märdsil, viimädsel pääväl inne paastu, olli’ Miktämäel talvidsõ’ külli mängu’. Illos ilm oll kohalõ meeltänü’ huvilisi mitmõst küläst – kokko oll 6 võistkunna jago. Edimält vooriga’ toontõdi, õt mängu’ omma’ sõbraligu’ ja nalja saa ka’, nii sis võtiki’ kõik osalõja’ naid mänga.

Võistkunna’ võti’ mõõtu mitmõl alal, näütüses tõmmati köüt, hiideti vilte ja oll pad´asõda. Võistlus oll pingeline ja tuuperäst tull edimätses kats võitkunda – Usinitsa ja Võõpso. Tuu jaost, õt traditsioon lääsi’ edesi, lepüti kõrraga’ kokko, õt suvitsõ’ külli mängu’ kõrraldas Võõpso külä ja talvitsõ’ Laossina külä. Peräst võistluisi sai’ osalõja’ ja kaeja’ maitsa’ Miktämäe naisiklubi MIXINA küdset pannkuukõ ja juvva’ lämmind tsäiu. Päävä lõpuh sai’ kõik, kiä’ tahtsõ’, ar’ saata’ uma’ halva’ harinõmisõ’ vai mõttõ’ olõst tett nuku palotamisõga’. Hüä oll nätä’, õt minti ar’ hüäl meelel ja rõõmulitsõ näoga’.

Üritüse kõrraldi’ Miktämäe naisiklubi Mixina ja Miktämäe nuurikeskus. Uma ola pand ala ka’ Miktämäe vallavaltsus.
Suur teno kõigilõ, kiä’ tulli’ kohalõ ja kõrraldi’ ilosa päävä!

Kõivo Sanna
Naisiklubi Mixina