Naisi näpotüü võistlus

Teema: tiranik / käterätt

Timahava saa kuninga näpotüü meistrist tuu, kiä om valms tennü kõkõ ilosamba seto muudu tiranigu.

Vasta võõdas näpotüü, miä om hinel koet kangast vai poodirõivast ummõld. Pilo ja nõglaga tsusit kirä’ võiva’ olla’ nii üteh ku ka mõlõmbah otsah. Tiranigulõ mõõtu olõ-i ette ant.

Õga kangakudaja saa kuta’ tiranigu sisse ummamuudu vigurit ja pilotada’ eismuudu pilo. Konkursil hinnatas, ku kõrdapite ja ku keerolitsõlt om tüü tett, kaetas, kas om seto muudu ja tervik. Umakoet kangas om õks korgõmbah hinnah.

Viimäne aig tiranigu tuumisõst kuuh nimesildiga’ om 2. august 2022 Seto Käsitüü Kogo kontorihe Verskah. Töid võõdas vasta ka kuningriigipäävä hummogu infotelgih kooni’ kellä 11.00. Kõigist konkursilõ esitet töiest pandas kokko näütüs.
Töid hinnatas ja hindaja’ kuts kokko Seto Käsitüü Kogo.

Vällä andas kats avvuhinda: rahva miildüminõ ja žürii avvuhind.

Näpotüü päävedosnik: Kala Ingrit, 5620 0057