Söögikraami müümisõ kõrd

Ravtsõmisõ ja söögikraamiga’ kauplõmisõ nõudmisõ’

3. augustil 2024 Obinitsa küläh XXXI Seto Kunigriigipääväl söögikraamiga’ kauplõv vai söögiteenust pakva ettevõtõh (edespidi kauplõja vai söögipakja) om lugõnu’ ja peri alapuul olõvidõ tingimüisiga’.
Mõistõ’:
1. Söögikraami müüjäs loetas kauplõjat, kiä müü mitmit söögigruppõ, näütüses piirakit, kohvi, mett, puu- ja aiavilju vai midägi’ samasäänest.
2. Söögiteenusõ pakjas loetas ettevõtõht, kiä müü valmit süüke ja juukõ, näütüsest praat, ruug, alkohoolse’- ja mittealkohoolse’ joogi’ jms kotusõpääl pruukmisõst. Söögipakjal hindäl om üteh uma’ lavva’ ja tooli’.
3. Söögikraami müüjä’ ja söögiteenusõ pakja’ jagonõsõ’ Seto Kunigriigih katõlõ söögikotusõlõ – seto söögikotus ja harilik söögikotus.

Laadopääl müüminõ om massulinõ ja inne om vaia hinnäst kirja panda’, tuu jaost vaoda’ lingipääle ja täüdä’ vorm: https://forms.gle/U8fJ7LGEdNVy92WH6.
Kauplõjidõ ja söögipakjidõ müügikotusõ’ omma’ vallalõ puulpühäl, 3. augustil kell 11:00–19:30.'

Müügikotusõ saamisõ jaost om vaia kauplõjal ja söögipakjal:
• täütä’ ja õigõ ao pääle esitä’ läbi e-keskkunna vorm inne 10. juunit 2024; NB! Taotlusõ esitäminõ anna-ai viil kauplõjalõ müügikotust õga müügiõigust Seto Kunigriigipääväl;
• kõiki söögipakmisõ jaost vaia minevit lupõ ja sertifikaatõ;
• lukõ’ ja olla’ nõuh kõigi söögipakmisõ ja söögikraami kauplõmisõ tingimuisiga’.

XXXI Seto Kunigriigipäävä kõrraldaja õigusõ’, kohustusõ’ ja vastutus:
• XXXI Seto Kunigriigipäävä kõrraldajal om õigus otsusta’, õt kiä’ saava’ laado pääl umma kraami pakku’ ja müvvä’. Kõrraldaja’ kaesõ’ täüdet taotlusvormi’ läbi ja otsustasõ’ alapuul olõvidõ kriteeriumidõ perrä:
● menüü vallalõkirotus ja paktava kraami nimekiri;
● müügikotusõ vällänägeminõ, kohvigu kujonduskontseptsioon, kohvigumööbli olõmaholu, isikuperäsüs jms;
● teenindävä personali orienteeruv arv;
● Seto Kunigriigipäävä kõrraldaja innidse’ kogõmusõ’ s´oo söögipakjaga’.
• Kõrraldaja’ tegevä’ otsusõ ja andva’ tiidä’ inne 3. juulit 2024.
• Õga müügikotusõga’ k´au üteh kooni’ kats (2) käepaila ja üks (1) parkimiskotus.
• Suursöögipakjalõ om arvõstõt kooni’ kuus (6) käepaila ja kooni’ kats (2) parkmiskotust vastavalt ravtsõmisplatsi suurusõlõ ja pakjidõ arvulõ.
• Müügikotussidõ andmisõ man arvõstõdas, õt pall´o om söögipakjit, süüke ja määne om kommunikatsioonõ pruukmisõ vajadus jms.
• Kõrraldaja puult olõ-õi müügilettide, mööblit, var´oalost õga muud kauplõmisõ jaost vaia minevät kraami (v.a elektri – ettetellmisõl).
• Kõrraldajal om õigus panda’ müüjä’ paika vastavalt kaubagruppõ ja müügikotussidõ kujondusõlõ.
• Kõrraldaja kintäs, õt üüsetsel aol om kauplõmisõ kotus valvat, a nä võta-ai hindä pääle vastutust müügikotusõhe jätet vara iist.
• Kõrraldajal om õigus kauplõja ja söögipakja Seto Kunigriigipäävä kauplõmiskotusõlt kõrvalda’, ku kauplõja ja söögipakja omma’ taotlusvormi esitänü’ valeinformatsiooni vai muul moodul riknu’ n´oid tingimuisi.

XXXI Seto Kunigriigipääväl kauplõja ja söögipakja õigusõ’, kohustusõ’ ja vastutus:
• Kauplõja ja söögipakja piat Seto Kunigriigipäävä kõrraldajalõ massma müügikotusõ massu. Müügikotus loetas kinnipantus peräst esitet arvõ alosõl kotusõmassu peräle joudmist. Arvõh piat olõma massõt inne 15. juulit 2024. NB! Ku õigõ ao pääle olõ-õi massõt, sis kaos müügikotusõ kinnipantus.
• Kauplõja ja söögipakja kujondas ja sisustas uma müügikotusõ eis’ vastavalt taotlusvormih seletet kujondusplaanilõ.
• Kauplõja ja söögipakja piat uma müügikotusõ hoitma kõrrah ja puhta.
• Söögipakja piat uma müügikotusõhe pandma prügükasti’ (erälde taara, biolagunõv ja segäolmõjäätme’). Peräst kauplõmist vii söögipakja prügü kõrraldaja puult ettenätt kotusõhe.
• Söögipakja teenindäväl personalil om kohustus uma müügikotusõ vallalõolõku aol olla’ taotlusvormih kirjeldet aamõtirõivih.
• Söögipakja piat tagama süüjilõ lavva’ ja istmiskotusõ’.
• Söögipakjal om kuhustus ostja soovil müümä süüke ja juukõ ostja anomidõhe.
• Kauplõja ja söögipakja kintäs, õt kasutas õnnõ mitukõrda kasutavvi anomit. Anoma’ võiva’ olla’ kauplõja hindä uma’ (anomidõ mõskmisõ võimalust kotusõpääl olõ-õi). Kõrraldaja paarilinõ om Ringo.
• Ku kauplõja ja söögipakja taht kasuta’ Ringo teenust, sis pääle müügikotusõ kinnipandmisõ kinnitüst kauplõja tell eis’ Ringolt anoma’ ja mass nuidõ iist. Üritüse kõrraldaja puult om anomidõ tuuminõ kauplõmisõ kotusõhe ja kliente pandipakõndidõ tagastamisõ süsteem kotusõpääl.
• Kauplõja’ ja söögipakja’ omma’ kohustõt müümä kaupa ka’ Seto krooni iist, midä saat Seto Pangah ümbre vaelda’ eurost kursiga’ 1:1.
• Kauplõja’ ja söögipakja’ vastutasõ’ uma vara ja võimalikõ kah´ostuisi iist.
• Massinidõ parkiminõ söögikotusõl om keelet.
• Müügikotussidõ kättenäütäminõ, ettevalmistaminõ ja kauba kotusõpääle tuuminõ om:
Ø riide, 2. augustil kell 18.00 – 21.00 (22.00-06.00 om keelet platsipääl olla’);
Ø puulpühä, 3. augustil kell 6.00 – 10.00.
• Müügikotussidõ kättenäütämisõ välisel aol om massinaga’ ligipäseminõ söögikotusõlõ keelet ja söögipakja om kohustõt massina müügikotusõlt ar’ viimä.
• Müügikotus piat olõma vallalõ kauplõmispääväl kell 11.00-19.30. Müügikotusõ varahappa kokkupandminõ ja säält ar’ mineminõ om keelet!

Elektri
Kauplõja’ ja söögipakja’, kinkõlõ om vaia elektrit, piat registriirmisõl (läbi registriirimisvormi) esitämä tarvitatavidõ elektrilisi siadmidõ nimekirä üteh voolu tarbimisõ kogusõga’. Üteh peat olõma vähäbält 50-meetri pikkunõ hämmüsekindla pikendüsjuhe. Kõik tarvitatava’ elektrisiadmõ’ piat olõma terved’ ja tüükõrrah.
Elektrienergia kasutaminõ om võimalik eelnevä kokkoleppe alusõl läbi registriirimisvormi ja lisatasu iist:
• Variant 1 – Elektrienergia pruukminõ kooni’ 2 kW – 20 eurot;
• Variant 2 – Elektrienergia pruukminõ kooni’ 5 kW – 50 eurot;
• Õga manotullõv kW – 10 eurot.
UMA GENERAATORI KASUTAMINÕ OM KEELET!
Gaasisiadmõ’ omma’ lubat. Gaasisiadmõ pruukmisõl om kohustuslik tulõkustutidõ olõmaholu.

Müügikotusõ hinna’:
Kauplõja Setomaa vallast: 1 juuskva meetri 10 eurot;
Kauplõja välästpuult Setomaa valda: 1 juuskva meetri 20 eurot;
Söögipakja Setomaa vallast: 1 juuskva meetri 20 eurot (sügävüs kooni’ 4 m);
Söögipakja välästpuult Setomaa valda: 1 juuskva meetri 60 eurot (sügävüs kooni’ 4 m).

Lisainfo ja kontakt:
Tava söögiplats: Varje Kuusik, +372 5153878, varje.kuusik@gmail.com
Seto söögiplats: Ülle Pärnoja, +372 5131366, ylle@setomaa.ee