Seto Kuningriik 2024

Suur setodõ üleilma kokkokorjuminõ - XXXI Seto Kuningriik om timahava 3. augustil 2024 Obinitsah. Kuningriik kuulutõtas vällä keskpääväl ni jakkus ni kavva ku seto lipp mastist langõs. Kõik aoplaani', kõrra' ja muu tähtsä' asa lövvät siist kõrvalt menüüst.

Seto Kuningriik toimus augusti edimätsel puulpühäl, õgal aastakal eri Setomaa küläh, midä kutstas tuu perrä kuningakülädest. Tuul pääväl kehtis seto säädüs ni seto raha ja kõik seto rõivih inemise' päsese Kuningriiki priilt. Muidogi om oodõt ka setodõ hüä' sõbra' ni kõik kultuurihuvilitsõ', a nuu piat ostma Kuningriiki päsemisõst viisa. Terve päävä pidävä seto' kuningriigih võistluisi ni sortva' vällä hinde seest paremba'. Päävä lõpust valitas vahtsõnõ ülembsootska ni uma marsi tege seto sõavägi. Ülembsootska ametitunnusõst om kuningas Peko sõanui-ametisau kiior, midä andas käest kätte edesi vahtsõlõ ülembsootskalõ.

Ülembsootska Leima Evelin
Nuursootska Palolilli Pärtel

Bussiga' kuningriiki

10.30 Mikitamäe teeninduspunkt
10.45 Värska vallamaja
11.10 Koidula raudteejaam
11.25 Obinitsa bussipeatus
11.40 Meremäe bussipeatus
11.50 Obinitsa bussipeatus
17.00 Obinitsa-Piusa raudteejaam-Obinitsa (rong Tartohe 17.15)
19.00 Obinitsa-Meremäe-Obinitsa
19.30 Obinitsa-Värska-Mikitamäe
Buss: Liinamäe Reisid, Jüri Saar

Liiklusõ kõrraldus Obinitsah kuningriigi pääväl

Kae' perrä kuis kuningriigipääväl Obinitsa päset.
Arvada, õt massinit tulõ pall'o ja eski määnegi hand olõ-õi ilmvõimalda. Sõida' märke ni parkimismiihi kõrralduisi perrä.
!!! Järve tii om Obinitsa vaihõl kinni', Koidula / Võmmorski puult tulõjailõ om ümbresõit Veretinä ja Tobrova kaudu.

Kuningriigi postmark

XXXI kuningriigipääväle om pühendet vahtsõnõ postmark ni päävä eritempli. Margi' uutva' huviliisi 3.augustil Seto Kuningliku Posti postkontorih.
Margi hind om 2.50 seto krooni vai eurot

Seto krooni'

Seto Kuningriigih mass seto kroon. Seto Pank kuningriigih müü ja ost seto kroonõ. Pank müü kroonõ hinnaga' 1 kroon mass 1 euro. Seto Pank ost seto kroonõ kursiga' 1 kroon mass 0,8 eurot, kuningriigih kauplõjatõ käest ost pank kursiga' 1 kroon mass 1 euro.

Kõik kauplõja' kuningriigih ja söögipakja’ omma’ kohustõt müümä kaupa ka’ Seto krooni iist, midä saat Seto Pangah ümbre vaelda’ eurost kursiga’ 1:1.

Seto krooni kasutamisõ reegli lövvät Seto Panga lehe päält.