Kuningriigi pildistäjä välläsortminõ
Teema: Kimmäs puhkus Setomaal Verska Kuurordih. S'ool aastagal oodõtas hüvvi puhkusõpilte Setomaalt Verska kuurordist. Sobiva´ kõik pildi´, mis ommava seotu puhkusõga. S´oo või olla nii illos luudus kui kimmäs mudavann vai viil mõni kolmas põnnõv tegevus. Höstö sobis ka Seto toit vai kimmäs üümaja.
Võistlusõ mõtõh om, õt sorti’ vällä kõgõ parep kuningriigi pildistäjä.
Võistõlda’ võiva’ kõik, v.a. hindamiskomisjon ja näide pereh.
Pilte man hinnatas nii tehnilist ku kunstilist puult, kaetas pildi seto muudu olõkit ja elolisust. Õga võistlõja või saata’ üte pildi. Esitä’ võit ütskõik mäntse aparaadiga’ tett pildi. Pilt või olla’ kas mustvalgõ vai värmilinõ. Saata tohi-i pilte mäntse’ olõ olnu’ mõnõh tõõsõh võistlusõh.
Saadõtas JPG/JPEG pildifail, millõ pikemp külg piat olõma vähäbält 3500 px. Pildi man piat olõma päälkiri, pildistäjä nimi ja andmõ’, a ka’ pildistämisõ kuupäiv ja kotus. Pilte töötlemise man tulõ arvõsta’ hüvvä tavva ja õt tuu, midä pildistedi, jääsi’ loomulik.
Pildistäjä vastutas hindä ja pilte andmidõ õigsusõ iist ja tuu iist, õt tä om võistlusõlõ esitet pildi ülesvõtja ehk pildistäjä.
Pilte kaes ja uma arvamusõ and hindmiskomisjon, kiä sort vällä pildi’ mis pandas kuningriigipääväl rahvalõ kaemisõs ni hindamisõs.
Hindamiskomisjonilõ ja rahvalõ kõgõ inäp miildünü’ pilt om võidupilt. Kuningriigi pildistäjä hõigatas vällä 7. augustil 2021 Seto Kuningriigipääväl Lobotkah.
Võistlusõlõ saadõt pildi’ jäävä’ MTÜ Seto Kuningriigi Kroonikogolõ. Kroonikogol om õigus võistlusõl olnu’ pilte edespidi ilma rahalda’ kasuta’.
Pilt saata’ e-kiräga aadressilõ: kersti.virro@gmail.com.
Pilte oodõtas kooni’ 21. juulini’ 2021.
Lisä küsü: Pildistäjä välläsortmisõ vedosnik Kersti Virro, kersti.virro@gmail.com, +372 517 1451