Süüke ja juukõ võistlus

SÕIR
Sõir ku’ mi paigah käsitsi tettü ja suurõ avvu seeh peetü süük om viimätsel aol nii ülesnõstõt kraam, õt sõiralõ om Eesti riigi puult ja mi hüäskitmisel tettü taotlus Euroopast tunnusmärgi saamisõs. Tuu tähendäs, õt piäme hoitma umma sõira väiga avvu seeh, tegemä sõira nii, õt ta väärisi’ mi umma ja külaliste kitmist.
Sõir:
• piät olõma ilosa värmiga – hellekõllatsõst kooni kõllatsõni, ku uma’ kanamuna’ seeh omma’
• piät olõma tihtsä olõmisega, midä om hüä lõigada’
• piät olõma hüä lõhnaga
• piät olõma hindäl tettü
• piät olõma tettü nii, õt pernaane saa eis’ tegemisest kõigilõ kõnõlda’ ja vajadusõl tõisi opada’
• sõira seeh või olla’ küümnit, mis om vanaaolitsõ sõira tunnus
Sõira või tetä’ ka muul viisil ja sinnä’ sisse panda’ muud kraami, sis saa sõir vahtsõtmuudu tegemise võistlusõl olla’.

LEIB
Leib om kullanõ pala, minkalõ anti suud, ku käärokõnõ maaha sattõ. Vannamuudu leevätegemise man piät kaema, õt tettü leib olõsi’:
Leib:
• piät olõma tettü Setomaal kasvatõt kraamist
• piät olõma vannamuudu tettü
• piät olõma hüä maigu ja lõhnaga
• piät olõma ilosa näoga
• piät olõma päält illõ ja paksu koorõga paasileib

KALAPIIRAK
Timahavva tõi elo Seto Kuningriigipäävä perüs Peipsi viirde. Järv om jo ammutsist aost rannarahvalõ söögipoolist heldelt jaganu`, tuuperäst annamõ järvele avvu ja teeme pidopääväst kalapiiragu.
Piirak või olla` päält vallaline vai käkidü´, tuu om perenaasel hindä mõtõlda`ja tetä´. A taigna sisse panõmõ seo kõrra kala- sääntse, miä aoperrä järvest võtta om. Piirak või olla tettü nii rüä ku´ nisuhauhast.
Timahavva teeme viil piiraguvõistlusõ man üte kriutski mano:
1. Piirak tulõ kütsä´sääne, mis om kala muudo. Võit kütsä´õkvalt kalavormi seeh, võit taigna säädi kala muudu vai tetä´kats kala muudu piirakut. A ku´ ahost vällä võtat, sis piirak piät tulõma kala muudu.
Ku` tiit piiragot sis:
# piiragot piät võistlusõlõ tuuma 2 kg
# piirak piät olõma pakso põh´aga
# piiragu pääl vai seeh piät olõma kala
# piirak piät olõma kala kujoga
# piiragust saada` puutrega pilt
# piiragu tegemisest piät perenaane seletämä, kuimuudu ta piiragu tegi

Ku`midägi jäi viil kirotamalda` vai saa-as höste kõõst arvu, võit julgõhe hel´städä :
Egle Põldmets tel. 56319828
Inara Luigas tel. 5168422

Süüke päävedsonik: Marju Päkk, 5517579

HANS´A, OL´, TAAR ja VERREV VIIN
Setomaal pakutas umatettü’ kraami õks nõnnopite. Tuuperäst piät joogi’, miä’ kunigriigi võistlusõlõ rahvalõ maitsmisõst tuvvas, olõma hüä maiguga, vannamuudu ja kõrdapite tettü’.

HANSÀ
Kõrraline hansà piät õks vana viisi perrä olõma mito kõrda läbi aet ja tohi`i olla vähämb ku` 45graati kangõ. Õigõ hans`a om rüäst tettü ja väega avvu seeh omma` nuu` meistre, kiä viil eis ka rükä kasvatasõ`. Vannamuudu tettü hans`a om klaar ja ilma värvilda` ni`hüä lõhnaga, minkaperrä saat õkva üldä, õt kraam om paslik ja õigõ. Hääd hansàt piät vällänägemise perrä jo tahtma ja maigo perrä hõäst kitmä. Vastavõtja piät kõrraga är maitsma hans´a ni` ütlemä tuujalõ, kas juuk lätt Seto Kuningriigi Meistri võistusõlõ vai jääs rahvalõ maitsta`.

TAAR
Taar ei olõ kali. Innestvanastõ tetti õgah taloh ummamuudu taari. Taar om leevä vai leevä koorikitõ vai muud muudu jauhhõlõ pääle pantu vii hapnõmise perrä saadu hapu juuk. Taar piät olõma ilosa värmi ja hüä lõhnaga, tegijä piät är seletäma taari tegemise. Taar piät olõma kõrralitselt aigupite är hapanu ja piät olõma juujalõ meeleline.

VERREV VIIN
Verrev viin om kodoaia vai mõtsamar´akõistõst õigõhõ kääritet juuk miä olõi' ätkõst lastu. Õga meistri tege ummamuudu tuuperäst tulõ esi pruumma tulla´, õt meistri vällä sorti!
Juukõ päävedosnik: Toomistõ Lauri, 5243876

Söögi- ja joogikraami tingimusõ’ om kirjeldänü MTÜ Seto Küük.
Võistlõmma tuud kraami iist mastas rahha:
• sõir 10 €/kg
• piirak 8 €/kg
• leib 4 €/kg
• hans´a 8 €/l
• ol’ 2 €/l
• taar 2 €/l
• verrev viin 5 €/l
Kraami piät olõma:
sõira 2 kg
piirakut 2 kg
leibä (vannamuudu) 2 kg
hans´at 1 liitri (teräviläst vai linnasõst tett ja üle 50 kraadi)
olt 2 liitrit
taari 2 liitrit
verevät viina 2 liitrit

• Kraami või tuvva’ ka’ inäbä ja sis tuu pandas kunigalavva pääle kostis.
• Kraamõ vastavõtminõ kell 10.00 - 12.00.
• Hindaja’ (söögi- ja joogimaitsja’) andva’ uma helü, a tuu iist tulõ massa’: sõir 4 €, piirak 3 €, leib 2 €, hans´a 6 €, taar 2 €, ol’ 3 € ja verrev viin 4 €.
• Kõkõ inäbä helli saanu’ söögi- ja joogitegijä’ omma’ rahva lemmiku’. S´ooaastagatsõ’ sõira-, leevä-, hans´a-, ollõ- ja taarimeistri’ sortva’ vällä seto söögi ja joogi as´atundja’. Piiragu- ja verevä viina meistri selgus rahva helüde perrä.
• Juukõ ja süüke pruumminõ lõpõs, ku üte inemisõ tuud kraam saa otsa. Perräjäänü’ joogi’ ja söögi’ läävä’ kunigalauda kostis.